حماده صابر من زمان
ومصر فيها كام حماده
حماده كتير ومن سنين
زيه كتير ساكن فأوضه
حماده لو كان بلطجى
دا ذنب مين
ذنب اللى حكمه من سنه
ولا اللى حاكمه من سنين
مصر فيها كام حماده
زى البعيد متمرمطين
حتى لو باع نفسه حماده
السؤال دا ذنب مين
فى الفقر مين عيشه
والفقر جاله طب منين
ولما جاله كان من شهور
ولا عنده من سنين
إعلامنا كان إعلام شاهين
دلوقتى صار إعلام حماده
يا منصفين الحق فين
عايزين للحق شهاده
مين اللى ضيع حلمنا
وخلا كلنا حماده