بيسألوك بعد الأوان
إيه اللى عراك يا وطن
إيه اللى فرق و حدتك
إيه خلاك مش سكن
اللى حكموك ستين سنه
ولا اللى ما كمل سنه
اللى عاش يعبد مكانه
ولا اللى مش طالب مكانه
إللى كان كرهنا فيك
هوه اللى كان غطى البنات
واللى كان عايز يورث
حكمه كان حلو وتبات
اللى خلا الناس تموت
فى الميدان فى العبارات
فرعون حكمنا كام سنه
تلاتين سنه وانتم سكات
كام بنت مات حلمها
كام بنت عاشت ِنفسها
تبقى أم وتبنى بيت
تعيش كما تعيش البنات
كل دا وكنتم سكات
تقولوا مين عرا البنات
اللى عراها السكات
الجبن كان رمز الرجوله
ودلوقتى ماسكين صجات
كات فين صجاتكوا من زمان
أغلبكوا كان عايش جبان
وفيكوا كان عبد وعميل
بيسقوه الأمريكان
واللى كان عايش عويل
صار دفاه بفلوس إيران
عايش فدور راجل زعيم
وهوه فى الأصل الجبان
هوه و أشباهه الكتير
هما اللى عروك يا وطن