ولع كمان وإحرق
إرمى كمان ملوتوف
إنهب كمان وإسرق
إخرج عن المألوف
نادى فوسط الناس
ثورتنا سلميه
واضرب كمان انفاس
وإشرب كسات ميه
وإقعد كمان ستف
ليلاتى فى الدولارات
ولا يهمكش اللى عاش
ولا اللى حتى مات
ولف ع القنوات
تمنك يزيد جنيهات
هات اللى عندك هات
و هتظهر النيه
قول كمان واكدب
الشعب معدتش عبيط
عرفنا سوء نيتك
ندل وخسيس وحطيط
أصبحت فى مصرنا
زى تعالب غيط
ولا مكرها يهمنا
ولا يهزنا التنطيط
حلمك كمان حكمنا
تبقا حقيقى عبيط