مره كان واحد صعيدى
كل نكته كات زمان
توصفه وتقول هريدى
قال لصحبه محمدين
وبعدين الضحكه تيجى
ومحمدين مضحوك عليه
قال عشان واحد صعيدى
طلع الرجوله محمدين
والشهامه من هريدى
وقت الزنقه شوفنا راجل
وعرفنا إيه كلمة صعيدى
صعيدى جايه م الَصعيد
والصَعيد هوه التراب
يعنى كل أصل فينا
إيه بدايته غير تراب
ولا كل نهايه لينا
برضه غير حبة تراب
الأرض بتحنله رغم إنها شيلاه
لاكنه يحميها بدمه لوجه الله
هوه ده معنى الصعيدى
بانى الحضاره من زمان
والجديد برضه الصعيدى
لعمره باع ولا عمره خان
مين اللى خالع عمته
مين محزم خصره بهدمته
مين على كتفه شايل قصعته
بنى سكنى وسكنك
وعمره متروح همته
برضه مش واحد صعيدى
يبقا مين النكته فينا
اللى سكنه غيره بناه
وبدل م نشيله فعنينه
قلنا نكته ونسيناه
عنده إيد تبنى ماتهدم
عنده ناس تحمى وتخدم
عاش رجولته من صباه
أصله فى الأصل صعيدى
والصعيد أصل الحياه