ساس يسوس سياسه
اللعبه خسيسه وحساسه
إحذر صاحبك يوم ليبيعك
يا أخى ملعون دى أبوها سياسه
و معارضك دايما هيدينك
مهما عملت يطلع عينك
ويشككلك حتى فدينك
ويقولوا إتجوز رقاصه
أصل اللعبه أبوها خساسه
ساس يسوس سياسه
البيه أصل أبوه مسكين
ومعندوش قنطار ولا طين
وعلى رجليه ماشى بحساسه
والبيه غنى ماشى بحراسه
عمال يلعب فالملايين
حذر فذر جابها منين
بعد ما صار واحد م الساسه
و دى طبعا مش عايزه كياسه
ساس يسوس سياسه
البيه صاحب حزب كبير
بقا مشهور وسط المشاهير
بيقولوا إتجوز رقاصه
وكتبلها قرشين حلوين
والحزب على واحده ونص
بعد ما كان ماشى برجلين
ساس يسوس سياسه
الباشا طول عمره كويس
متروق وكمان متريش
فى اللعبه وبقالوا سنين
ومحامى بس بوشين
وآخرها عمال بيهيس
كان عايز قال يمسك ريس
ويسوينا ع الجنبين
ساس يسوس سياسه
القصه تملا الكراسه
واللعبه مليانه خساسه
والمصرى هوه المسكين
بقا مرهون بشوية ساسه
و أمانٌه لعبة فريقين
وف أخر اللعبه الخسران
الشعب المصرى الغلبان
يا أخى ملعون دى أبوها سياسه
ملعون ساس يسوس سياسه