فوسط الزيطه والزحمه
والكل مش دريان
حصل فعل فاضح
مكنش فى الحسبان
إتلموا ناس كتير
عشان يعروها
ولسكة الضايعين
عايزين يودوها
حاولوا معاها كتير
لكنهم خابوا
عملوا كل الحيل
برضه كمان خابوا
ولطريق الهلاك
حاولوا يشدوها
وبعيد عن الحراس
عايزين يخبوها
صرخت كتير وكتير
والكل كان سامع
الكل شاف منها
والكل كان طامع
لكن الصبيه عفيه
رغم الكتره عليها
لسه إيديها قويه
قادره تداريها
الكل حاول معاها
ولسه بتعافر
الفعل والله شنيع
والفحش كان سافر
البنت كانت مصر
والأعادى كتير
والشله كانت قصر
على نخبة الفاسدين
حاول معاها كتير
سنين كتير وسنين
لاكنه توب طهرها
بعيد عن الخاينين
ِحماها من ربها
وبعده من شعبها
حلوه ومين زيها
أمانه للداخلين