سألوكِ يا بهيه مين قاتل ياسين
أكيد مش حد طيب من ناسه المخلصين
قتله جبان وخاين باع الدهب بالطين
أعمى والحق واضح زى طلوع النهار
لكن عماه فقلبه خلاه يشعلها نار
يغدر فالليل بصحبه ولا فوسط النهار
ضميره تاه وسابه وعقله فداهيه غار
ياسين دا واد صغير ولا راجل كبير
اليوم يا سين فبلدى وزيه ناس كتير
الأزمه مش سياسه الأزمه فى الضمير
إللى بيقتل ويسرق أكيد مش ناوى خير
متردى يا بهيه يا مصر الغلبانين
مين قَّتّل شبابك الخٌضر الطيبين
ومين عايز يضيّع حقوق المظلومين
أكيد مش حد منك أكيد خاين جبان
لو منك يبقا باع يبقا تايه وضاع
وغدرك يا بهيه لما قتل ياسين
قتله فكل شارع وكل حاره منك
قطع بسلاحه فيكِ وخلاص معدش منك