أهين عليك يا وطن
عشت كتير موجوع
ناس تعيش فى النعم
وناس تموت م الجوع
وناس شاغلها المناصب
وناس تقيد ف شموع
آهين من قلب إتوجع
من ظلم ناس ناسك
وناس كلاب عايزه
تكون كمان حراسك
آهين ع اللى خانك
وبالفلوس داسك
فاكر نفسه الخبيثه
تدوس على أنفاسك
أغير عليك يا وطن
من شله نخاسه
شغلتها هيه النخاسه
وعروقها دساسه
أخاف عليك يا وطن
من سلاح غادر
من إبن باع أمه
وبعرضها تاجر
و أخ استباح دمه
وبقتله بيتاجر
دعينا من ربنا
إنه يا وطن يحميك
ويجيى عليك اليوم
تكسر أعاديك
وإنك يبان خيرك
ويبارك لنا فيك