يا شعب رغم الوجع
خلا الألم نكته
ولو يبطل ضحك
هيموت من السكته
يا شعب لما تسيل المحن
وتزيد عليه بلاويه
ينسج من نكتته
خيمه عليه تخبيه
ولو يجيله الغم
من ضحكه يوريه
ويدفنه بخفته
وسط الألم
يواريه
يا شعب طيب أصيل
والأصل من طبعه
تاريخه كله تاريخ
على ورق الزمن طبعه
يعادى كل دخيل
والجبن مش طبعه
يا شعب لما يقول
صوته فى الكلام يعلا
ولما يفكر بجد
يبقا فى المكان اعلا
فخور أنا بيك
أكمنى من ناسك
وبدمى رح أفديك
وفوسط حراسك