يا مصر أسف بعشقك
عشق الحرام
غرام شديد من غير امل
ولا فيه كلام
كل اللى فيه حبة غرام
حب الحرام
لحلوه متجوزش ليه
ولا عمر يوم هتحللى
ولا تبقا ليه
لاموا عليه حبها
وإخلاصى ليها
هتقولىِ ليه عشق الحرام
هو لو كان عشقى حلال
كان حرمونى أتهنى بيكِ
ولا سابوا قلبى يفرح
وميسرقوش فرحى بيكِ
فرحت لما راح اللى إغتصب
منك سنين
فرحت لما راح وغار
والكل كانوا فرحنين
لكنه فيه ناس اتعمت
مشفتش زل الشقيانين
معاشيتش يوم جوه القرف
مكلتش أكل المحرومين
صعبان عليها حبنا
حب الغلابه المخلصين
عايزه تانى مغتصب
ويوزعوكِ ع الإيدين
إيد تسرقك إيد تنهبك
ومنك نرجع محرومين
عرفتِ ليه عشقى حرام
عرفتِ ليه حبى حرام
يروحوا فين الطيبين
وسط الديابه
السعرانين
لاكنه لسه فيه حبة
أمل
تتعافى بإدين
الغلابه
تبقى عروسه منوره
وعرسها مفيهوش ديابه
كل اللى فيها يعرفوا
معنى الوداد معنى
الأمل
وبيزرعوا فى ولدها
معنى الطيابه