أنا المصرى وطول
عمرى
و أنا المغلوب على
أمرى
بلقمة عيشى شدونى
وبرزق عيالى خلونى
أضحك والدموع فعنيه
و ميت كرباج على
ضهرى
أنا المصرى وعشت
الخوف
فحكم ظلوم ميعرف خوف
وكان ظلمه على
المكشوف
وغره منى طول صبرى
ألمى فيوم صبح بركان
وصبرى نار وصمتى
طوفان
لا عاد السجن يرهبنى
وماعنت أخاف من
السجان
قالوا يثور لأنه
جعان
وأنا ثاير عشان
إنسان
نفسى اعيش فحريه
وأنسى السجن والسجان
نفسى اعيش كما
الإنسان
ولو غرك فيوم صبرى
متنساش أنا المصرى