أنا مش أنا
ولا كان فيوم حالى
مهموم هموم الزمن
والحزن موالى
لعمرى كنت حزين
والفرحه نسيانى
وعمرى كان الرضا
على كل حال حالى
يا قلبى ايه غيرك
والضعف فيك باين
وإيه زمان صبرك
والكل كان هاين
بعد الإيمان بالقدر
الدنيا صغرانه
فعين كل اللى حضر
فقرب مولانا
دنيا وفيها البشر
بعد الحياه زايله
تروح مكان تتسئل
والجلود قايله
على كل ذنب حضر
وياما الصحف شايله
أنا مش أنا
لو طال بيا الحال
بعيد عن أخرتى
والواحد المتعال
يارب يا رحمن
ليا رجعنى
دا البعد منى ضلال
وذنبى بيوجعنى
الحل منك رضا
عند عبد ليك صاغر
يعيش عشان يعبدك
و إنت كريم قادر