وسط حلم ماله أخر
عشت فيكى عمرى كله
شوفت شمسك لما يشرق
والغروب ع الحيطه ضله
شوفت ظلم الظلم فيكى
عشت فقره عشت ذله
كان فقلبى عشق إسمك
رغم إنك مش حلالى
حقى فيكى يوم مباخده
بالشقا وبؤس حالى
برفعك رغم إنحطاطى
ببنى فيكى وحيطى واطى
عشان معيش لازم أطاطى
للخسيس وابو أصل واطى
بعشقك والدمعه ليكى
يوم مشوف إسمك ملالى
فأى حته نفسى أشوفك
نجم ساطع فى العلالى
حملى ليكى شمس تيجى
بعد ليل ساكن ربوعك
شجرك ما يطرح يوم ثماره
يشد حيلك ويسد جوعك
حلمى ليكى مش كلام
حبى ليكى مش كلام
عشقى فيكى مش كلام
لو تطلبى روحى خديها
بس ناسك تبقا ليكى
لو يكون عمرى فمهرك
بعمرى كله هشتريكى