حبيبتى
لو تقبلينى عريس
أكون ممنون
تكونى فى الغرام ليلى
وانا المجنون
ومين اكون انا
لجل اقف على بابك
وفين مقامى بين
عرسانك وخطابك
أخرى فى غرامى كلام
وهما غرامهم زاد
كان مهرهم دمهم
وكانوا لجوعك زاد
لو تقبلى منى
المهر رح احاول
وهبنى قصرك واكون
البنا ومناول
بحبك وانا المجنون
وقاتلنى نار حبك
ولو يطاولك عدا
أموت فدا حدك
يا قلبى ليكى عريس
واخدك على عيبك
شاغله كل الناس
وهو دا عيبك
لو تطلبى دمى
أقدمه مهرك
ولو تقوم الرجال
فى الشده اكون ضهرك