الحياه أخرتها ايه
غير نموت
والموت يعنى سكوت
يعنى قطع الصوت
واحنا عايشين السكوت
حالنا رغم الحياه/ موت
نتظلم سكوت
نتشتم سكوت
نتسرق سكوت
طيب م الأحسن نموت
موتى كان أخرة /سكوتى
وسكوتى كان أخره/ موتى
من النهارده مفيش سكوت
ولا عدتش موت
هصرخ بدل الصوت
ألف ألف صوت
هصرخ على حقى اللى ضاع
هدور على وطنى اللى تاه
وسط الديابه والضباع
معدتش خوف من بطش بيه
ومعدتش أمره رح يطاع
أصلى خسرت زمان كتير
م الطيابه والإنصياع
وأخرتها إيه / حقى ضاع
م النهارده مفيش سكوت
ولما هسكت تبقى النهايه
وأكيد ساعتها /هموت