أرض الوطن
................
على أرض الوطن عايشين
والتوهه واخدانا
مابين فاسد سنين وسنين
وبين صالح فدوامه
يا ظلم جابوا الغول
قول ستين سنه
الظلم مهما يطول
لازم تجيله سنه
عشنا كتير صابرين
وصبرنا طافح
رغم المرار عايشين
بنبنى ونكافح
إيدين بلون الطين
بتبنى وتعلى
وإيدين بلون البياض
تنضف ومتخلى
ناس لونها سمار بلدى
وناس لونها بلون غازى
أصله كان أصل أبوه
وأصله دخلها وكان غازى
عشان كده طلع إبنه
أخلاقه زى الغوازى
وعجبى