ولاد الإيه ومش فارقه
معاهم ذمه ولا أخلاق
يحاربوا الناس فأرزقها
ويجروا كأنهم فى سباق
ولا الإيه وساحبهم غول
وهما زى الغنم تتساق
ولاد الإيه فى إعلامهم
عملوا م الفسيخ شربات
وخلوا البلطجى ثاير
وكل المخلصين زهرات
ولاد الإيه و أحزابهم
عملوا سياسه بالملوتوف
وتلاقى الكذب فى كلامهم
وشعارهم كمان معروف
تلاقى سياسه فى تويته
وسياسه فكلمه وتحويطه
وناس ع الدين بتتمسخر
وعامله الكلب إعلامى
ولما يعيب فى ناس الدين
ينادوا عيد ومن تانى
ولاد الإيه دى من عندى
تساوى م الشتيمه ألوف
وليك وياها تتخيل
ردودى وانا الملهوف
بإيدى أطول ولاد الإيه
وترويضهم يكون معروف
7/3/2013