يا سفينة الوطن مالك
معانده ويا ربانك
ليه ماشيه بتتمايلى
ومتقسمه عمالك
على سفينتك يا وطن
كلنا راكبين
ويوم متغرق هيغرق
كل اللى فوق راكبين
لأن الموج مهيفرق
مين كان ماسك المجداف
ومين فى جدارها بيخرق
الموج شديد والكل لازم يجدف
ولو ضعف مجداف
سفينة الوطن رح تحدف
بعيد عن طريق النجاه
وكلنا خسران
وكلنا غرقان وفوق مننا الربان
مين سعتها هيخسر
ومين يكون كسبان
غير العدو اللى فرق
بين اللى راكبينها
عمال يهد فقلوعها
وبالساعه حسبينها
ورغم فينا اللى عارف
لاكن مسعدينها
إمتى تفوق يا وطن
تشوف مين يعاديك
وتشوف سلامة الوطن
وتعادى أعاديك
وعنده ايه العدو
بعد الوطن يديك