على الشهيد متعيطيش ومتحزنيش
شهيدنا مات على أرضنا علشان نعيش
علشان نحقق حلمنا ومينتهيش
صورة الشهيد دى فقلبنا ولا يتنسيش
متعيطيش مات وسابنا فهمنا
لكنه مات علشان يعيش
عايش فجنة ربنا خيرها باقى مينتهيش
فمتزعليش بكره السعات هتمر
نكسر قيود الأسر والكل يصبح حر
نشرب كسات الهنا ونسيب كسات المر
عشان كده بقولك متعيطيش
اليوم ده لازم تفرحى ومتحزنيش
طب يا ريتنى أموت شهيد ميهمنيش
أسيب صحيح الدنيا بس فالجنه هعيش
لاكن مين ينول الرضا من ربنا
المخلصين غيرهم مفيش
عشان كده بيقولك
متزعليش متعيطيش ومتحزنيش