ميت بقالى سنين
رغم انى عايش
موتى كان السكوت
عن ظلم طايش
لكن صحيت م الموت
خلاص كفايه سكوت
الجبن ولى وراح
وعنكوا كان حايش
تقولوا مجرم تقولوا ثاير
تقولوا طايش
مش مهم
المهم إنى اعيش
ومكونش خايف
أو اموت موت الشريف
وبرضه هكون عايش
أصل الموت يصنع حياه
لو كان عشان فكره
يقولوا عاش الشهيد
عشان يجيب بكره
وإن عاش كتير الجبان
كل الوشوش كرهاه
والجبن طبع الخسيس
كل الكتب نكراه
أحدث أقدم