يا مصر صبحك جاى
مهما طال ليلك
والظلم مهما زاد
الحق هيجيلك
الصبح بانت طلته
مع روح مقدمها
الشهيد
والحق طلعت كلمته
بعزيمه هتفل الحديد
العدل جاى فارد
جناحاتو
يجيب حق الشباب
إللى بإيد الفساد
ماتو
واللى إتحرق واللى
غرق
واللى عاش ميت
وكان موته فسكاته
واللى من كتر خوفه
غير قناعاته
عشان يعيش فالضل
أو يمشى جنب الحيط
واللى عاش الذل
وهوه جوا البيت
الظلم زاد ع الناس
ومن سنين غطا
وخلا كل الناس
بهمومها تتغطا
وناس كتير لتعيش
عدى عشان وطا
الحق بانى سفينة نوح
قبل الطوفان ميزيد
ينادى كل الحيارى
تركب هتبقا سعيد
سفينة الحق شرعيه
وبتنادى بشرعيه
و النجاه عندها
لو نصدق النيه
موضوعات هامة قد يهمك مشاهدتها
