مكتوب علينا
نعيش فدور
كومبرس صامت
زى الكراسى والتحف
محطوط وساكت
ولا حتى يعرف أجرته
ولا مين مقدر وئفته
ومين يعرفه
أو شكله شايف
حكمونا وشافوا زلنا
مصوا الشفايف
ودا اللى ئدروا عليه
يتصعبوا على شكلنا
ويتاجروا حتى بحلمنا
حكمونا شوية لئام
وممكن شويه ولا
بلاش ولاد حرام
خدوا منا
كل حاجه
لا قولنا ليه
ولا قولنا كام
وفيوم تثور
كل التحف
كل الكراسى والنجف
حتى العواميد
اللى شايله
حمل السنين
كل القرف
هدوا الحيطان
فوء الجبان
كسروا كل الببان
من حقنا يكون
لينا صوت
مش زينه بتزين مكان
نعيش حياه
مش كل دورنا
خدام على مر الزمان
منا الملك فينا
الوزير
مش حكر
علىِِ إتورسونا
وزلوا فينا وكهربونا
جه اليوم لازم يحسوا
ويدفعوا تمن اللى
كان
قطرنا لازم هيمشى
وعمره ما يرجع زمان
ولا الكون يرجع يدور
ونئوم بدور
كومبارس صامت
أو تحف ويا الديكور