شعاع
الشمس بيلامس
بحنانه تراب الأرض
يمد دراعه
على غطانها
وبيداعب
خدود الورد
شعاع
الشمس يلف الوجود
يداعب
يلامس كل الخدود
لا عمره
فرق بين الناس
ولا يعرف
معنى الحدود
لا عاش
نهاره وسط البيض
ولا هرب
فيوم م السود
والكل
شايف وعارف إنه
بطلعته كل
يوم موجود
شعاع الشمس
يسقى الأرض
بحنانه
يدفى الطير فأغصانه
شعاع
الشمس ما فرق
ما بين
جارح ولا سارح
واللى
سمعنى هيصدق
بيحصل
بكره وإمبارح
يا ريتنا
بس نتعلم
الكون
للسلام شارح
شعاع
الشمس ده حاجه
متجيش
فالكون ولا حاجه
وكل الإنس
محتاجه
تشوف
فالكون وتتعلم
إزاى
السلام مطلوب
وكل الكون
بيتكلم
حتى
لوصوته مش مسموع
اللى يشوف
هيتعلم
صورته
بتشرح الموضوع
لو شعاع
الشمس يوم فرق
كام واحد
يبات موجوع
لو نبت
الأرض يوم فرق
كام واحد
يموت م الجوع