المصرى مات فعباره
ومات فعماره منهاره
ومات تحت الجبل مدفون
ومات بالحسره ومراره
المصرى رخيص تمنه
وعاش متهان وطول زمنه
بيا خد حقه بخساره
ويعجز فى شباب سنه
وعمره يتسرق منه
يغرق والموجه غداره
عصابه فينا بتاجر
بدمنا وبلحمنا وبحقنا
عبيد والِسيد كمان فاجر
وطير من عشه بيهاجر
يروح يركب شراع الموت
مهو عايش كتير صابر
يموت غرقان كدا احسن
ميعيش مئهور ومش قادر
ولو عدا دا يوم العيد
ويعيش فالغربه ويعافر
يعيش سعيد كما المولود
من بطن جابت من الآخر