ناس وناس
جوه فى هذا البلد تلاقى أجدع ناس
وبرضه فيها تلاقى شويه م الأنجاس
فيها ناس بتحس وناس عديمة الإحساس
وناس لما تشوفها تريح الإحساس
وناس تانى تشوفها تكتم على الأنفاس
وناس نايمه وبابها واقف عليه حراس
وناس نايمه فشوارع وأرصفه بتنداس
وأدى حال البلد كله ناس وناس
فبلدى ناس أمينه وناس بتسرق ناس
يسرق قوت الغلابه شويه من الأوباش
ناس ما لاقيه الشكك وناس بتاخد كاش
تطلب وتأمر أمر وغيرها صوته انحاش
وأدى حال البلد مليانه ناس وناس
فيه ناس تشيلها الجذم وناس تشيلها الراس
ناس بتشرب ألم وناس شاغلها الكاس
تسكر تسب الخدم أصل الخدم م الناس
تفوق بجرة قلم تقلب حياة الناس
من كتر كلمة ناس تعبت الأنفاس
أصناف فبلدى كتيره وبرضه أجدع ناس
ناس وناس
إرسال تعليق
نرجوا ترك نعليق لأى ملاحظات