عجبى عليكى يامصر

 

عجبى عليكِ يا مصر

 

فِمحبسك وفوسط الأسر

 

عايشه كتير وسنين

سدرك بيدوى أنين

 

و حلم فك القيد

راودك شهور وسنين

 

ليلك ضلام داكن

 

ولدك فوسط الخوف

 

جوه بيته مش ساكن

 

فقلبه شوق وحنين

 

يغسل إديه م الطين

يفرح تجلل ضحكته

جرس بابه لما يرن

عمره ما يخاف رنته

ولو فيوم بابه يخبط

ميخفش أبدا خبطته

ولو سمع سيرة جنابه

تسبت فرجليه ركبته

فيكِ يا مصر العجب

و الحبس من غير سبب

وطالب لما يطالب

بحقه يقوم ينشطب

و بنت تلبس حجابها

عند الباب تتحجب

والله حالك يا مصر

بقا أعجب من العجب

فيكِ الشريف تعبان

وفهدمته وفلقمته حيران

و اللى يمد إيديه يهبش

قوت الغلابه سعيد فرحان

تاريخ وفيكِ اتسطر

تشوفه كل البشر

واللى يشوف هيقول

 

حالك يا مصر ععجب