يعنى ايه ناشط سياسى
يعنى سلم لما تاخده
تبقا من أهل الكراسى
يعنى شهره لو تتاجر
أو تبيع للناس مآسى
يعنى كاش يملا جيوبك
ينشلك من فقر آسى
يعنى ناس بتجيب فسيرتك
ناس بتشتم ناس تواسى
بس تكون وسط النجوم
تبقا فى الإعلام أساسى
مش مهم تكون كويس
المهم تقول كويس
تعرف اللعبه الجميله
فاكر لعبة الكراسى
تبقا صحيح ناشط سياسى
لما فيوم هتبيع صحابك
أو حتى أبوك اللى جابك
اسمه ايه المرض اللى صابك
خلاك خسيس ووضيع أساسى
قاموا خلوك ناشط سياسى
السياسه مش شتايم
أو تتريق ع العمايم
اللى بيصلى وصايم
بكره تنام والحق قايم
وهتبقا مسجون سياسى
ومصيرك ده أساسى
ياعم الناشط سياسى