كنتى أمى

كنتى أمى و كنتى صحبى
والقريب من دون حبايبى
ولما فيوم تعلا الرياح
كنتى مرسى قلوع سفينتى
كنتى الدفا فبرد الشتا
كنتى الحنان كنتى الوفا
كنتى فعينى الجمال
لما الجمال داب واختفا
شفتك طفله جدله الضفاير
وبطلتك تيجى البشاير
كنتى الضمير جوايا لما
ماتت فالقلوب كل الضماير
بسئلك إيه إللى غير
الصفا بين الصحاب
إيه إللى عكر ودنا
فين حبنا فتنا وغاب
مش برضه كنا فيوم صحاب
بسئلك فين الأمومه
للوليد وسط الطوفان
فين الدفا والحضن شايل
يدى وسط الخوف أمان
فين حب عدى السنين
فين الموده والحنان
كنت أسمعك دايما تقولى
إننا إتنين فواحد
الواحد إيه قسمه
الصفا إيه غيمه
والنور جوه القلوب
مين منا بإيده طفاه
مين قضا على حبنا
ونوره فى قلب الحبيب
مين قتله ومين طفاه