بنادى فينه الموت
لو كان تمنه الشهاده
يا دم سيل ع الأرض
حنييه وبزياده
إغسل تراب بلدى
من ظلم بزياده
موت الشهاده شرف
و الذل كله قرف
أصل الشهيد كسبان
جنه وفيها الترف
فالدنيا كل جبان
عايش عديم الشرف
بنادى فينه الموت
عشان تعيش بلدى
والنصر ساعة صبر
والظلم هيعدى
أموت مع الأحرار
أحشر مع الأبرار
إللى يشوف الشهاده
ع النار ما هيعدى
ولو ينطق شهيد
هيقول أنا ودى
أرجع أموت تانى
شهيد فدا بلدى
فينك يا موت
لو كان ده هوه التمن
خايف ليجيى الموت
ويمر بيه الزمن
عايش حياة الذل
وجبنى هوه التمن
إرسال تعليق
نرجوا ترك نعليق لأى ملاحظات