لما هيعود النظام
إللى منعنا الكلام
لما هيعود اللئام
يبقا كانت ثوره ليه
لما الحال يرجع يسوء
والظالم يرجع يسوق
يبقا كانت ثوره ليه
لما فيوم تبكى الثكالا
ورجوع الحق إستحاله
يبقا كانت ثوره ليه
لما يبيع الشعب صوته
ويبقا تمنه كام جنيه
يبقا كانت ثوره ليه
لما حلم الناس يزول
ونرجع تانى الفلول
يبقا كانت ثوره ليه
لما يكون تمن الشهيد
اللى قتله يبقا سيد
يبقا كانت ثوره ليه
قلت يوم جهز قفاك
بص شوف مخبر وراك
لو نجح عمرو وشفيق
يبقا كانت ثوره ليه
إرسال تعليق
نرجوا ترك نعليق لأى ملاحظات