على جبينك

على جبينك مكتوب رساله

ميشوفهاش غير إللى حبك

وإللى عاش عمره معاكى

وحبه معشش جوه قلبك

وإللى يبيع عمره عشانك

وعلشان سلامة حته منك

أصله إتولد يوعى عليكى

وأصل طينه حته منك

على جبينك بيشوف كلام

مكتوب كلام حب وحنان

طيور بتبنى عشها

صغار بتحلم حلمها

تجرى وتلعب لعبها

مكتوب بطولة شعبها

يموت ويفدى أرضها

على جبينك شعاع النور

على كفك تاريخ مسطور

أهرامك مسلاتك وطاقة نور

فتحها عمرو على أرضك

وبالإسلام بنى عزك

ودار فى الفلك نجمك

وكل ده على جبينك

و انا شايفه فعين محبينك

كلام مسطور