قوم يا مصرى ياللا فوء
بص شوف شمس الشروء
قوم بسيفك حارب الفاسد
سوق الضلال خلاص كاسد
ريحت الضلال م الجحور فاحت
والظالم لشعبى قبره بإيده فاحت
قوم يا مصرى قوم وشارك
ياللا كون جوه المعارك
أصله ظالم مص دمك
كل فئوتك زاد ف همك
سلاحك إيمانك
ببلدك بأرضك وبمكانك
بإيمانك إنته غالب
والعدو على إيده ضارب
بيه رح تنتصر كل المعارك
ياللا فوء قوم وشارك
بكره أبارك بإنتصارك
لما يتبدل مكانك
من ورا كل الصفوف
كل العالم رح تشوف
ف الصداره ده مكانك
لو فحربك أو سلامك
بس لازم خد ف بالك
إوعى تتهدم حيطانك
لما تهدى أو تنام
أو يبقا سلاحك كلام
أو تروح ويروح زمانك
يبقا تتهدم حيطانك
يبقا يتبدل مكانك
هناك ف آخر الصفوف
أو كتب فوق الرفوف
تعيش جوا ضلام الخوف
و غيرك قام واخد مكانك
إنته فى حربك سلامك
إوعى م الأخر تخاف
قوتك بتعلى شانك
قوتك ترفع مكانك
بس ياللا قوم وفوء
بص شوف شمس الشروق
إوعى تنسى إنته مصرى
مية نيل فعروقه تمشى
إرسال تعليق
نرجوا ترك نعليق لأى ملاحظات