حبيبى وحشنى وإنت فعنيه
ووجودك معايا مش كفايه عليه
عايزك أمانى عايزك كيانى
عايزك حبيبى روحى إللى فيه
بشوفك تنور عتمة حياتى
وصوتك يسكن جروحى وآهاتى
شاغلنى فكلامى شاغلنى فسكاتى
وحبك ياروحى مسيطر عليه
حبيبى وحشنى وأنته فعنيه
حبيبى ده إسمك كله صفاتى
وبعدك حياتى نهاية حياتى
عيونك فعينى تزلزل كيانى
جمالها فشوقك حبيبى رمانى
صوتك نغمته بكل الأغانى
أجمل صوت بيدخل ودانى
حبيبى وحشنى وأنته فعنيه
ووجودك معايا مش كفايه عليه
فعيونى جمالك بيلغى الجمال
عشانه فحبك ضعف قلبى مال
بحبك فغيرتك بحبك فصمتك
بحبك حبيبى على أى حال
هواك إللى عدا وداعب خدودك
أغير إنه قرب ويلمس ورودك
عشانك حبيبى حسيت المشاعر
وقلبى بحبك صار قلب شاعر
عشانك يعادى عشانك يغامر
بحبك يا قادر صار قلبى قادر
حبيبى وحشنى وإنت فعنيه
وقربك حبيبى كفايه عليه
إرسال تعليق
نرجوا ترك نعليق لأى ملاحظات