خلاص نويت أترشح
وأفرفش نفسى وافرح
واحكم مصر المحروسه
واقول بينات واصرح
يا شعب ياللى هتخترنى
فكل مكان رح تسمعنى
مهو أنا فهلوى ومدردح
قاعد علطول قدامك
وفصحيانك ومنامك
واسعد بوجودى إيامك
وهأكون أنا أبوك وأمك
ما أنا شايف كله طمعان
فالكرسى وقصر العربان
قاعدينى لى زى الددبان
وكله عمال يتفزلك
الشعب كله هيترشح
أنا قولت خلاص ألحق مطرح
حتى أحكم سنتين واروح
وفغيرها منيش طمعان
ازرعلى جنية رمان
والفاكهه أشكال والوان
وابنى قصر فكل مكان
واسبغ شعرى واسرح
وده كله قبل مروح
هبنى لفلوسى بنوك
والغى دخول الفيس بوك
أصل انا ناصح فركوك
والغى ميدان التحرير
وكمان عيد التحرير
وااكل شعبى فطير
بالسمنه البلدى خطير
ووراه كبايه شاى
فيها برشام صراصير
يمكن تطول أيامى
واحكم سنتين تانى
لسه العمر قدامى
واحلف والله ما هروح
بقلمى تحت التعديل
إرسال تعليق
نرجوا ترك نعليق لأى ملاحظات